“Djali i xhaxhait të kreut të Tatimeve të Dibrës është vënë në pranga me 75 kilogramë drogë, të llojit kanabis sativa”. Denoncimin e ka bërë në Kuvend, kreu i grupit parlamentar të PD-së, Edi Paloka.
Ky i fundit tha se Islam Imeraj është arrestuar me 75 kilogramë kanabis sativa. Sipas Palokës, Islam Imeraj është djali i xhaxhait të Dionis Imerajt, drejtori i Tatimeve në Dibër. Paloka akuzoi ministrin Tahiri dhe kryeministrin si të implikuar në aktivitetet e kultivimit dhe trafikimit të drogës duke folur edhe për sekuestrimin e 2 ton drogë në Tepelenë. Paloka tha se u lajmëruan trafikantët dhe ndërruan vendin e drogës, por sërish prokuroria e gjeti me informatorin e saj.
