Policia e Tiranës ka arrestuar një 46 -vjeçar, i dënuar më parë për vjedhje pasi ‘masakroi’ një shtetas për t’i vjedhur motorin.
Sipas njoftimit të policisë ditën e djeshme u bë e mundur arrestimi në flagrancë i shtetasit Besnik Simolla, 46 vjeç, banues në Tiranë, i dënuar më parë për veprën penale “Vjedhje të energjisë elektrike”.
“Arrestimi i këtij shtetasi u bë se, në Rrugën “Karl Gega”, ka goditur me gurë në kokë dhe me shkelma në trup shtetasin I. D., 41 vjeç, banues në Tiranë si dhe i ka vjedhur me dhunë motorrin tip ZANSHEN”- njofton policia. Materialet i’u kaluan Prokurorisë pranë Gjykatës së Shkallës së Parë Tiranë për veprën penale të “Vjedhjes me dhunë” parashikuar nga Neni 139 i Kodit Penal.
