Dy ditë më parë mediat italiane publikuan lajmin se pas ekzekutimit të dy të rinjve shqiptarë me mbiemër Lleshaj, familja e tyre ka deklaruar se do ta vërë vetë në vend drejtësinë dhe i njeh autorët.
Por, sot, Zef lleshaj, babai i njerit prej viktimave, Albanit, deklaroi për mediat në Shqipëri se nuk ka folur për hakmarrje, se nuk i njeh autorët e krimit dhe se nuk i di arsyet që i shtyjnë ata t’ua vrasin djemtë.
“Me sa dimë, Albani dhe Agroni nuk kanë pasur armiq,” tha Zef Lleshaj, që ka hapyr dyert për ngushëllim.
