Fjoralba Balla Soukis, në adresën e saj në Instagram me emrin Paris Alba, është bërë pre e një situate të pakëndshme.
Punonjësit e policisë bashkiake i kanë bllokuar makinën dhe e kanë lënë në këmbë së bashku me fëmijën 6 –muajsh. I kanë thënë të marrë një taksi dhe të shkojë të paguajë gjobën tek ish -Parku i Autobusave në rrugën e Kavajës. Ky fakt e ka revoltuar dhe ajo ka shpërthyer kundër Bashkisë me një status në Instagram.
“Pra tanimë në rastin tim duhet të marr një fëmijë të vogël 6 muaj, ta hipi në një taxi, të shkoj në sportel dhe të paguaj gjobën, sepse këtij kodoshit edhe shefit të tij në mbledhjen e radhës i kanë thënë: mblidhni sa më shmë gjoba se na duhet buxhet”.
Jo pak herë policia bashkiake dhe ajo rrugore janë akuzuar nga qytetarët se vendosin gjoba vetëm për të mbushur arkën e shtetit. Motra e deputetit socialist duhet të dijë diçka më shumë se si fuksionojnë gjërat në këto raste.
