Një vit pasi u nda nga jeta ish-drejtori i INSTAT, Gjergj Filipi, kryeministri Edi Rama ka emëruar në krye të këtij institucioni Delina Ibrahimajn, e cila deri më tani ishte këshilltare e kryeministrit për të dhënat dhe statistikat në Kryeministri.
“Prej datës 11 nëntor 2016, në postin e Drejtorit të Përgjithshëm të Institutit të Statistikave (INSTAT) është emëruar Znj. Delina Ibrahimaj. Duke uruar punë të mbarë, shprehim angazhimin dhe bindjen për një bashkëpunim të suksesshëm në vazhdimësi”, thuhet në njoftimin e shkurtër të INSTAT.
