Nuk kanë të ndalur arrestimet e shqiptarëve në Itali.
Shumica prej tyre janë kapur për drogë.
Kështu, një tjetër shqiptar ka përfunduar sot në prangat e policisë italiane nën akuzën e trafikut të drogës.
32-vjeçari me iniciale B.E, u arrestua në provincën Ascoli Piceno, ndërsa banonte në Emilia-Romagna.
Atij iu sekuestruan rreth 7 kg drogë e llojit marijuanë.
Operacioni përfundoi pas hetimeve të prokurorit të Forli-t, ndërsa më herët më 10 tetor është arrestuar edhe një 38 vjeçar shqiptar me iniciale O.N. që jetonte në Cesena. Atij ju sekuestruan 42.5 kg marijuanë. L
Lënda narkotike u gjet në një ndërtesë në anën tjetër të qytetit ku banonte shqiptari, e fshehur në bodrum.
Atje u gjetën rreth 2 kg marijuanë nga sasia totale e fshehur mes makinave të parkuara në bodrum. Dyshohet se ambienti është përdorur si depo për ruajtjen e lëndës narkotike.
Policia sekuestroi gjithashtu edhe 6.900 euro para të gatshme, të përfituara nga trafiku i lëndëve narkotike, dy peshore precize si dhe materiale për paketimin e marijuanës.
