Dy shoferët e Ministrisë së Jashtme të Shqipërisë, që u ndaluan rreth orës 15:00 të ditës së sotme nga policia greke në doganën e Kakavijës pasi po transportonin libra në gjuhën shqipte, janë lënë të lirë pas 2 orësh.
Lajmi i lënies së tyre të lirë konfirmohet nga Ministria e Jashtme. Më herët vetë autoritetet greke njoftuan arrestimin.
Dy shoferët, të identifikuar si Altin Tafa dhe Agim Asllani, u ndaluan për një kontroll në brendësi të kufirit grek, në aksin që lidh Kakavijën me Athinën. Ata u akuzuan për shpërndarje të materialeve propagandistike.
