Një aksident me pasojë vdekjen ka ndodhur mëngjesin e sotëm në Gjirokastër. Një 30 -vjeçar ka humbur jetën dhe një tjetër është plagosur.
Mësohet se aksidenti ka ndodhur në aksin rrugor Gjirokastër-Tepelenë, në Virua, ku automjeti tip ‘Mercedes Benz’ me targa AA976OX ka dalë nga rruga dhe ka rënë rreth 3 metra poshtë rrugës, në pjesën përballë liqenit të Viroit.
Si pasojë e aksidentit njëri prej personave që ndodhej në makinë, ende i paidentifikuar, ka humbur jetën, ndërsa tjetri është plagosur rëndë. Policia mbërriti menjëherë në vendin e ngjarjes dhe po punon për të zbardhur shkaqet e aksidentit. Sipas hetimeve të para, dyshohet se drejtuesi ka humbur kontrollin e makinës, duke e nxjerrë mjetin jashtë rrugës.
