Një shqiptar 25 vjeç, Klodian Hakballa, është arrestuar nga Policia në Livorno për trafik droge, pasi, pas një kontrolli në shtëpinë e tij u gjetën rreth 25 kg heroinë dhe kokainë. I riu që ishte nën mbikqyrje nga policia, sapo kishte dalë nga një vilë private në rrugën Calzabigi dhe kur u kontrollua, rezultoi që ai nuk kishte qëndrim të ligjshëm në Itali.
Fakti se ai kishte me vete një shumë parash prej 1350 eurosh nxiti dyshimet e policisë për të kontrolluar banesën e tij dhe sidomos kopshtin e vilës, që doli se e kishte kthyer në një punishte të vërtetë për peshimin dhe paketimin e drogës.
Këtu policia zbuloi rreth 23 kg heroinë dhe 1 kg kokainë si dhe një bombol me gaz paralizues që mund të konsiderohet si armë kimike apo gaz lotsjellës.
Pjesa më e madhe e drogës ishte fshehur në koshin e mbeturinave/Syri.net.
