Policia e Durrësit ka arrestuar një 42 –vjeçar pasi ka ushtruar dhunë tek gruaja e tij. Pas kontrollit në banesë iu gjendën dhe një sasi lënde narkotike e dyshuar si Kanabis Sattiva si dhe një thikë.
Specialistët e Seksionit për Hetimin e Narkotikëve në Drejtorinë Vendore të Policisë Durrës në bashkëpunim me Efektivat e Komisariatit të Policisë Krujë kanë prangosur në flagrancë Luan Xhepin, banues në Fushë-Krujë. Ky I fundit nën ndikimin e alkoolit dhe për motive të dobëta, ka ushtruar dhunë fizike dhe psikologjike ndaj bashkëshortes së tij M.Xh., 37 vjeçe. 42-vjeçari rezulton person më precedentë penalë të mëparshëm në fushën e narkotikëve.
