Këngëtari i njohur Stine është bërë sot baba për herë të parë.
E dashura e tij Graciela Pashaj, me të cilën ishte një kohë në lidhje kanë sjellë në jetë vajzën e tyre, të cilën e kanë pagëzuar me emrin Estia.
Telegrafi ka kontaktuar personalisht me këngëtarin duke dërguar urimet për lindjen e vajzës së tij, gjersa ai nuk ka hezituar të rrëfejë emocionet e tij të para si prind:
“Shum shumë bukur kuptohet, prezantimi i parë me gocën apsolutisht një nga emocionet më të bukura në botë”.
Gjersa i pyetur për emrin, se pse ka vendosur që ta pagëzojë vajzën me emrin Estia, ai u përgjigj:
“Me emrin është njohur që kur ka qenë në muajin e tretë në barkun e nënës, se kështu e thërriste e ëma, kështu që edhe arsyen e di ajo më mirë”.
Këngëtari ka publikuar gjithashtu një fotografi të vajzës në llogarinë personale në Instagram, gjersa në mbishkrimin e fotos i ka uruar mirëseardhjen vajzës së tij të vogël.
“Faleminderit që na dhe mundësinë dhe kënaqësinë të bëhemi prindër. Faleminderit Zot”, shkruan ndër të tjera këngëtari.
