Shefi i shërbimit të Toksikologjisë në QSUT Zihni Sulaj i bën thirrje politikës të mos lejojë asnjë legalizim të hashashit.
“Në emër të shoqatës së Toksikologëve i bëjmë thirrje politikës që të mos lejojë në asnjë formë legalizimi të hashashit. Nuk ka asnjë studim që tregon benefitet e përdorimit të kanabisit mjekësor. Qeveritë dhe OKB kanë dështuar për të ndaluar përdorimin dhe tregtimin e kanabisit përmes masave represve”, thekson Zihni Sulaj për Ora News.
Deklarata u bë në konferencën Shkencore e Toksikologjisë që po mbahet sot paradite.
Shefi i Toksikologjisë thotë se për përdoruesit e hashashit në Shqipëri politika duhet të ulë dënimin dhe të shtojë fondet për edukimin dhe trajtimin mjekësor të përdoruesve.
“Efektet negative të hashashit në shëndetin e popullatës janë shumë të madha. Çdo ditë në urgjencën e QSUT -së paraqiten me dhjetra të rinj në situatë paniku çrregullime të forta të memories, emocionale, të irrituar dhe të dhunshëm”, shprehet mjeku.
