Kreu i opozitës, Lulzim Basha ka reaguar pas përplasjes së fortë që ndodhi sot mes fshatarëve që shisnin duhan dhe inspektorëve tatimorë e të krimit ekonomik në Shkodër.
Pas sekuestrimit të duhanit nga ana e tatimorëve, fshatarët janë indinjuar dhe kanë tentuar të marrin duhanin nga makina e inspektorëve. Një video nga ngjarja tregonte shefin e krimit ekonomik në Shkodër, Pjerin Lazri duke nxjerrë edhe armën. Nisur nga kjo përplasje, Basha thotë se ‘Edi Rama me bandën e tij është shkelësi më i madh i ligjit, revolta është zgjidhja’.
“Shteti-bandë i Edi Ramës sot në Shkodër, duke grabitur e kërcënuar me armë qytetarët. Ligji është i shenjtë e duhet zbatuar, por kur Edi Rama me bandën e tij është shkelësi më i madh i ligjit në vend, atëherë revolta është zgjidhja. Me popullin nuk luhet. Shqipëria më mirë pa Edi Ramën”, thekson Basha.
