Njjë vajze 10 –vjeçare i është drejtuar ish –sekretares Cliton pasi ajo humbi garën presidenciale me an• të një letre që po bën xhiron e botës në internet. Nëna e Kaia James, nga Orlando në Florida, tregon se ajo shpërtheu në lot kur u zgjua dhe mori vesh se Hillary nuk kishte fituar. “Ajo qau për një orë dhe unë e lash të mblidhte veten përpara se ta dërgoja në shkollë”, u shpreh Sabrina James për Daily mail.
E dashur Hillary Cliton
Faleminderit që garove për mua dhe për të gjitha gratë dhe vajzat. Gjatë këtyre zgjedhjeve dhe më përpara tyre ju keni qenë një frymëzim. Ju treguat se vajzat mund të bëhen çdo gjë dhe të bëjnë çdo gjë. Ju më provuat se burrat nuk janë më të fortë se gratë. Faleminderit që ma treguat rrugën. Unë medoj se është mahnitës fakti që kur ishit në moshën time ju donit të bëheshit astronaut kur të rriteshit dhe kur të rritem edhe unë dua të bëhem. Edhe pse NASA thoshte se vajzat s’mund të bëhen astronaute, ju punuat fort e më fort dhe nuk kurrë nuk u dorëzuat. Edhe pse nuk u bëtë kurrë astronaute, ju keni bërë kaq shumë gjëra të pabesueshme. Unë qava kur pashë se ju i kishit humbur zgjedhjet, por dua të dini se ju më frymëzuat më shumë me humbjen tuaj. Ju më keni frymëzuar të punoj fort, për të dhënë më të mirën dhe për të luftuar për atë që është e drejtë.
Dy nga thëniet tuaja të preferuara për mua janë ato që thatë se ne jemi më të fortë së bashku dhe se duhet të ketë drejtësi për të gjithë. Sepse unë e di që “të gjithë” do të thotë edhe homoseksualët dhe lesbikët, të bardhët dhe të zinjtë dhe njerëzit që nuk janë lindur në Amerikë. Është e vërtetë që ne duhet të bashkohemi si një trup i vetëm.
Faleminderit që më frymëzuat të punoj edhe më shumë. Faleminderit që të mtreguat që për vajzat si unë ka më shumë punë për të bërë. Nuk do të lejoj që këto zgjedhje të më gjunjëzojnë. Në vend që të bëhem astronaut, ndoshta do të bëhem një lidere botërore dhe një frymëzim ashtu si ju.
Kështu që mos u mërzit – unë do ta përfundoj atë që nisët ju. Ka shumë vajza të tjera si unë gati për të ngritur zërin dhe luftuar. Ju luftuat për ne dhe tani është radha jonë të luftojmë për ju.
Nuk ka mbaruar ende. Ne vetëm sapo kemi filluar.
Me dashuri dhe respekt,
Kaia James
