Xhevahir Ndoi ishte një nga 3 viktimat e përmbytjeve në Shqipëri. 44-vjecari u mbyt tre ditë më parë pasi e mori rrjedha e lumit Mat në Klos, ndërsa sot banorët kanë gjetur trupin e pajetë të Xhevahir Ndojit, babait të 4 vajzave.
Ka qenë një banor i cili ka parë rastësisht trupin. Menjëherë është njoftuar policia që ka nisur hetimet. Familjarët e Ndojit kanë bërë edhe identifikimin e viktimës.
Trupi i pajetë është gjetur rreth 40 kilometra larg vendit ku u mbyt, në zonën pranë liqenit të Ulzës.
Gjatë ditës së sotme familjarët e Xhevahir Ndojit kërkuan ndihmë për gjetjen e trupit të pajetë të njeriut të tyre.
