Deputeti Ben Blushi tha se deklaratat e Ramës kundër Trump janë turpëruese. Ai tha se Rama u mor me qira nga Clinton për të sharë Trump.
Sipas Blushit, Rama foli me një anglishte servile dhe foli si tifoz.
Blushi hedh dyshime se Rama është paguar për ato deklarata.
“Nuk ka mundësi që CNN në orën që ka më shumë audiencë të thërrasë kryeministrin shqiptar. Po të thoshte dua Clintonin për çështjen e Kosovës, kjo s’ka asgjë. Por ai sulmoi direkt Trumpin duke i vënë në gojë gjëra që nuk i ka thënë.
Është turpi i civilizimit dhe është rrezik për myslimanët, emigrantët dhe për Kosovën. Ja këtë tha Rama për Trump. Kjo s’është e vërtetë. Trumpi ka thënë për Kosovën se duhet të ndërhyhet nga toka. Kjo është shpifje, s’mund ta bëjë një kryeministër këtë”, tha Blushi në emisionin “Të paekspozuarit” Ylli Rakipit
