Presidenti i Shteteve të Bashkuara të Amerikës Barack Obama ka dalë në një konferencë shtypi pas zyrtarizimit të fitores së Donald Trump në zgjedhjet presidenciale.
Duke folur nga Shtëpia e Bardhë, Obama u shpreh se do të bëjë çdo gjë për një kalim të qetë të pushtetit tek kabineti Trump që do të marrë detyrën në janar të vitit 2017.
Obama theksoi se qytetarët amerikanë nuk duhet të ndahen në demokratë dhe republikanë, sepse mbi të gjitha ata janë amerikanë.
“Nuk jemi demokratë dhe as republikanë. Në radhë të parë ne jemi amerikanë”, tha Presidenti Obama.
