Deputeti socialist Erion Braçe njihet për deklaratat e forta, por kësaj here ka tejkaluar çdo etikë. Me anë të një statusi në profilin e tij në facebook, Braçe ka përdorur një fjalor jo të përshtatshëm për një politikan.
Teksa ka komentuar zgjedhjet presidenciale në SHBA dhe fitoren e Donald Trump, Braçe është shfryrë ndaj politikanëve në Shqipëri duke thënë se ata nuk bëjnë gjë tjetër veçse përdorin tabletë për “t’i rënë me dorë” dhe se nuk ia kanë idenë zgjedhjeve në Amerikë. Kjo fjali mendohet se është përdorur nga deputeti socialist për kryetarin e PD, Lulzim Bashën dhe ish deputetin socialist Koço Kokëdhimën.
