Telegramin e ngushëllimit që presidenti Hashim Thaçi ia dërgoi familjes së Astrit Deharit, aktivistit të VV, tri ditë pas vdekjes së tij, e ka refuzuar familja Dehari, me një porosi nga nëna e tij, Xhemilja.
Telegrami i ngushëllimit, destinuar për familjen Dehari është kthyer prapa nga i njëjti person që kishte shkuar te familja Dehari për ta çuar porosinë e Hashim Thaçit në vend.
Një burim i afërt me familjen Dehari tregoi se Xhemile Dehari ka refuzuar të ngushëllohet nga Hashim Thaçi me këtë porosi:
“Thuaj Hashim Thaçit, pushkën me të cilën ma keni vra djalin, kthema se më duhet!”
Pas tri ditë heshtjeje, Thaçi vendosi që sot ta ngushëlloj familjen Dehari për humbjen tragjike të tij.
Telegrami nuk është bërë publik për mediat.
