Deputetja Mimoza Hafizi, e cila ndodhet si vëzhguese e Asamblesë Parlamentare të OSBE-së, në SHBA, tregon për mënyrën e veçantë se si kryhet numërimi elektronik i votave.
“Jam shumë e vëmendshme ndaj mënyrës elektronike të numërimit të votës. Çdo votues, pasi plotëson fletën e votimit, e fut vetë te makina e numërimit.
Vetëm 10 sekonda! As dhjetëra mijëra numërues, as qindra makina që transportojnë kutitë, as dhjetëra mijëra vëzhgues të stresuar, as ditë të tëra zvarritjeje për rezultatin.
Vetëm 10 sekonda, në një kompjuter të thjeshtë, që mund ta ketë pa problem çdo qendër votimi edhe në Shqipëri.
S’ka asnjë arsye bindëse që ky sistem numërimi të mos pranohet në zgjedhjet tona”, shprehet Hafizi.
