Një aksident ka ndodhur mbrëmjen e sotme në Fushë Krujë për shkak të motit të keq por fatmirësisht nuk ka viktima. Autobus i linjës Tiranë-Kukës, ka dalë nga rruga dhe është përmbysur në aksin rrugor Thumanë – Fushë- Krujë, në afërsi të fshatit Derven.
Aksidenti ka ndodhur rreth orës 21:00. Për shkak të reshjeve të shiut të ditës së sotme, autobusi me targa AA 346 AC, ka rënë në ujë. Të gjithë pasagjerët kanë dalë nga autobusi dhe raportohet se janë në gjendje të mirë shëndetësore.
