Është mbyllur procesi i zgjedhjeve për kreun e ri të LSI dhe të delegatëve të kësaj force politike. Mësohet se procesi i numërimit ka nisur por për shkak të shtyrjes së orarit të numërimit rezultati pritet të dalë ditën e hënë.
Komisioni Qendror i Zgjedhjeve të Lëvizjes Socialiste për Integrim ka deklaruar se procesi i votimit të kandidatëve për Kryetar dhe njëkohësisht për delegatë të Konventës Kombëtare Zgjedhore, ka përfunduar dhe është mbyllur në këto qarqe:
- Kukës;
- Dibër;
- Elbasan;
- Gjirokastër;
- Berat;
- Durrës;
- Vlorë;
- Fier;
si dhe në këto bashki:
- Malësi e Madhe;
- Pukë;
- Vorë;
- Kavajë;
- Rrogozhinë;
- Fushë Arrëz;
- Mirditë;
- Kurbin;
- Pogradec;
- Selenicë;
- Shkodër;
- Vau i Dejës.
Në Bashkinë Tiranë ka përfunduar procesi i votimit në të gjithë njësitë administrative ish-komuna si dhe në Njësitë Administrative nr. 1, 3, 6 dhe 7.
Deputetja Silva Caka tha se tashmë, ka filluar procesi i dorëzimit të kutive të votimit pranë vendeve të numërimit të votave dhe pas dorëzimit të të gjitha kutive të votimit, do të fillojë menjëherë procesi i numërimit të votave.
“Ndërkohë, në qendrat e tjera të votimit, ku procesi i votimit vazhdon për shkak të radhëve të gjata, kemi orientuar të gjithë komisionerët dhe komisionet zonale që procesi i votimit të vazhdojë duke lejuar të votojnë të gjithë zgjedhësit e regjistruar në listat e votimit, që janë të pranishëm aktualisht në këto qendra.Gjithashtu, do të doja që ta shfrytëzoja këtë konferencë edhe për t’ju njoftuar se në zbatim të detyrimeve tona statutore, në faqen zyrtare të Lëvizjes Socialiste për Integrim, është publikuar kostoja e gjithë procesit zgjedhor, duke përfshirë gjithë zërat respektivë.” – shprehet deputetja Silva Caka.
