Presidenti turk Rexhep Taip Erdogan ka akuzuar Europën se po inkurajon terrorizmin më mbështetjen që po jep për Partinë e Punëtorëve të Kurdistanit. Ai u shpreh se nuk i intereson shumë nëse Europa e quan një diktator, por shprehet i vendosur për të shtypur grupin militant kurd dhe përkrahësit e tij.
“Europa po e ndihmon terrorizmin. Edhe pse e kanë deklaruar PKK-në një organizatë terroriste, kjo është e qartë…E shohim se si PKK mund të veprojë aq lirshëm dhe lehtë në Evropë. Nuk më intereson nëse më thërrasin diktator, apo sidoqoftë tjetër. Hyn në njërin dhe del nga veshi tjetër. Me rëndësi është se si më quan populli im”, deklaroi Erdogan.
Turqia ka shkaktuar kritika ndërkombëtare pas arrestimeve, të premten, të udhëheqësve të partisë prokurde HDP, partisë së dytë më të madhe opozitare në parlament.
