Një ndër të arrestuarit në operacionin antiterror të policisë shqiptare që u zhvillua në bashkëpunim me policinë e Kosovës dhe atë të Maqedonisë është Ergys Faslia.
Burime të policisë thanë për lapsi.al se ai konsiderohet kryesori i grupit. Bashkë me 30 vjecarin u arrestuan edhe:
H. F, 34 vjeç, lindur e banues në Vranjt, Dibër.
B. P, 30 vjeç, lindur në Tiranë, banues në Shkodër.
M. H, 46 vjeç, lindur në Peshkopi, Dibër, me banim në Tiranë.
Këta shtetas dyshohen se në bashkëpunim me njëri-tjetrin dhe shtetas të tjerë jashtë vendit, propagandojnë nxitjen e urrejtjes, rekrutimin e personave për të shkuar në Siri përkrah organizatës terroriste ISIS, mbështesin me logjistikë e financime këtë organizatë terroriste, si dhe mund të udhëtonin në zonat e konfliktit në vendet e Lindjes së Mesme.
