Dashamir Murataj, pronari i një salle lojërash fati në Lushnje është arrestuar për falsifikimin e biletave të Bingos, për 43 blloqe me 255 mijë e 939 bileta të falsifikuara.
Policia e Lushnjes njoftoi se nga sektori për Hetimin e Krimit Ekonmik i Policisë Fier, u bë ndalimi i administratorit të një aktiviteti të lojrave të fatit “Bingo”, në Lushnje, i shtetasit Dashamir Murataj, 56 vjeç, lindur e banues në Tiranë.
Ndalimi i këtij shtetasi u bë pasi gjatë kontrollit të ushtruar në bashkëpunim me Hetimin Tatimor, i’u gjetën dhe sekuestruan në cilësinë e provës materiale rreth 43 blloqe me 255 939 bileta bingo të dyshuara të falsifikuara dhe të padeklaruara ne organet tatimore.
Materialet proceduriale i kaluan Prokurorisë pranë Gjykatës së Shkallës së Parë Lushnje për veprat penale “Falsifikim i dokumentave” dhe “Fshehja e të ardhurave” parashikuar nga Nenet 186 dhe 180 të Kodit Penal.
