Burrë e grua nga Orikumi kanë denoncuar në polici vjedhjen e 800 eurove nga banesa e tyre, por nuk kanë dyshuar tek djali.
Por pas hetimeve dhe kryerjes së ekspertizës Policia e Vlorës ka vënë në pranga djalin e tyre 20-vjeçar, Ronaldo Jahaj, i cili akuzohet për vjedhjen e parave të prindërve të tij. I riu banonte në të njëjtën shtëpi me prindërit.
Por këta të fundit kanë kryer denoncim në polici, pa pasur dyshime te djali i tyre. Tashmë ai do të përgjigjet për veprën penale të vjedhjes. Nuk dihet nëse prindërit do të tërheqin denoncimin.
