Mungesa e ish-kryeministrit Sali Berisha në sallën e Kuvendit, ka bërë që deputeti i PS-së, Artan Gaçe të ironizojë deputetët demokratë.
Gjatë fjalës së tij nga foltorja e Kuvendit, ai theksoi se seancat pa Berishën nuk shtyhen.
“Prej tre javësh Berisha mungon në Kuvend, nuk shtyhet më pa të, është rutinë”, ka theksuar ai, në fjalën e tij që ia kishte kushtuar të gjithën asaj që e ka quajtur katandisje e PD-së.
Sipas tij, PD nuk po kryen funksionet si parti opozitare, por pret t’i bien kauza e deputetët nga qielli.
“Si jeni katandisur kështu! Jeni bërë duke pyetur veten, a do bie ndonjë i PSsë apo LSIsë nga qielli. E hapi Blushi libra apo s’e hapi. Të kishim Berishën 10 vjet më të ri, apo Sokol Olldashin gjallë pa ta shihnit ju. Si jeni katandisur kështu ju të PD. Më shqetëson PD si pasuri kombëtare, por që ka rënë në gjumë ka rënë. 3 parti të reja u hapën këto ditë mos hapet dhe ndonjë e katërt dhe ju përzë nga blloku”.
