Wikileaks nuk ka marrë nga qeveria ruse e-mail-e që mund të venë në pozitë të vështirë Hillary Clintonin dhe stafin e saj, deklaroi shefi i Wikileaksi-t, Julian Assange, në një intervistë me televizionin proKremlinit “Russia Today”, që do të transmetohet të shtunën e ardhshme.
Duke folur nga ambasada e Ekuadorit në Londër, ku ndodhet që prej katër vitesh, Assange akuzoi fraksionin e Clintonit për ngritjen e një histerie neomakartiste, sipas së cilës ”Rusia është përgjegjëse për gjithçka”.
“Hillary Clinton ka deklaruar shumë herë, në mënyrë false, se 17 agjenci amerikane të shërbimeve sekrete kishin thënë se Rusia ishte burimi i publikimeve tona. Por, ajo që është false është se qeveria ruse nuk është burimi i tyre”, theksoi Assange.
