Komuniteti shqiptar i Montrealit po ndihmon familjen e aktorit shqiptar Shkelqim Daja, pas ngjarjes tragjike në Kanada, ku djali 15-vjeçar i tij u vra pas një sherri mes adoleshentësh.
Një grup miqsh të familjes, të mbështetur edhe nga ‘Shoqata Kulturore Shqiptare Montreal’ dhe ‘Bashkësia Shqiptare Montreal’ kanë krijuar një fond me qellim që të ndihmojnë e të lehtësojnë me sa të munden barrën e rendë të familjes në këto ditë të vështira.
Ky komunitet i bënë thirrje kujtdo që ka mundësi që t’i ofrojë ndihmë financiare familjes Daja, për të qenë pjesë e kësaj lëvizje bamirësie. Sipas organizatorëve, fondi do të përdoret për të mbuluar shpenzimet e ceremonisë mortore të 15-vjeçarit. Deri më tani nga fushata sensibilizuese janë mbledhur 8,565 dollarë, ndërsa kontributet vijojnë nga 40 deri në 200 $.
Grupi organizator i kësaj lëvizje:
Mishel Kociu, Loreta Stamo, Anila Kati, Dhimiter Myzeqari
