Gazetari i News24 Artan Hoxha ka rrëfyer se operacioni ka nisur që në orët e para të mëngjesit kur policia e Lezhës ka marrë në vëzhgim objektin në Rrëshen.
Gazetari Artan Hoxha “Nga mëngjesi është mbajtur nën vëzhgim objekti dhe e kanë ditur vetëm një numër i vogël drejtuesish për të mos patur rrjedhje informacioni. Operacioni drejtohet nga Drejtori i Policisë së Qarkut Lezhë, Ermal Muça”, tha gazetari Hoxha.
Më pas blutë e Drejtorisë së Policisë kanë bashkëpunuar me efektivët e Komisariatit Mirditë. “Rreth orës 14:00 policia ka ndërhyrë. Por ka qenë e papritur numri i madh i personave që gjendeshin në magazinë. Ka pasur një numër të madh personash në magazinë. Janë arrestuar mbi 18 persona.
Madje Policia nuk ka pasur pranga të mjaftueshme pasi nuk ka qenë e përgatitur për atë numër të madh njerëzish. Me një palë pranga janë lidhur edhe 2 persona”, tha gazetari Hoxha. Ai tha se nuk dihet ende saktësisht sasia e drogës por bëhet fjalë për mbi 1 ton. “Bëhet fjalë për mbi 1 ton drogë por nuk dihet ekzaktësisht, mund të jenë 2, mund të jenë 3. Objekti është vendosur në rrethim nga policia e Lezhës dhe Mirditës por është kërkuar edhe ndihma e FNSH¬ve pasi personat e ndaluar duhet të transportohen nga Lezha në Mirditë.
