Një person në Pogradec pasi i ka vjedhur 15 m sterë dru zjarri një 35-vjeçari, e ka mbajtur të izoluar edhe për dy orë nën kërcënimin e armës.
L.M 35 vjeç ka bërë denoncimin duke deklaruar: Fation Bono duke përdorur dhunë fizike, si edhe duke e kërcënuar me armë i ka përvetësuar këtij të fundit rreth 15 m sterë dru zjarri nga banesa e tij dhe më pas e ka mbajtur këtë shtetas të izoluar rreth 2 orë nën kërcënimin e armës, në vendin e quajtur “Gurore” mbi fshatin Vërdovë.
Nga ana e Policisë, po vijon puna për kapjen e autorit dhe sqarimin e rrethanave të ngjarjes.
Materialet i kaluan Prokurorisë të Rrethit Gjyqësor Pogradec, për veprat penale: “Vjedhja me dhunë”, “Heqja e paligjshme e lirisë” parashikuar nga nenet 139 e 110 të Kodit Penal.
