Janë zbardhur detaje të reja lidhur me ngjarjen djeshme të ndodhur në Ksamil, ku një 53-vjeçari iu bë atentat me tritol.
Agron Xhezairi, babai i Albi Xhezairit të shpallur në kërkim për vrasjen e Aleksandër Bardhit, ka konstatuar dy ditë më parë një sasi eksplozivi të vendosur në automjetin e tij.
Por pavarësisht kësaj, ai ka pritur për 24 orë, me eksplozivin e vendosur në makinë, pa denoncuar këtë ngjarje, pasi kishte frikë.
Lënda e vendosur në mjetin e Xhezairit, ishte tritol.
“Dosja nuk është referuar ende në prokurori. Tritoli dyshohet për hakmarrje ndaj 53-vjeçarit”, sqarojnë burimet.
Ndërkaq, nuk dihet ende sasia e tritolit të vendosur në makinën e Xhezairit, lëndë e cila është sekuestruar nga RENEA.
