Kryeministri Edi Rama ka reaguar në rrjetet sociale lidhur me deklaratën e presidentit Bujar Nishani, se do të mblidhte Këshillin e Sigurisë Kombëtare për çështjen e kultivimit të kanabisit.
“Të mblidhet Këshilli i Sigurisë Kombëtare për kanabisin?! Jo, duhet të mblidhet Këshilli Kombëtar i PD-së dhe redaksitë e gazetave e të portaleve të Shqupit. Bashkëngjitur letra e sotme e Komisionerit Europian për Punët e Brendshme, si kontributi ynë dashamirës për mbarëvajtjen e mbledhjes. Suksese!”, ka shkruar Rama në profilin e tij në Facebook.
Kreu i qeverisë e ka shoqëruar statusin e tij me letrën e sotme të komisionerit europian për Punët e Brendshme.
Deklarata e Ramës është në vazhdën e sulmeve ndaj mediave dhe portaleve opozitare. Për të pasur kontroll mbi to, qeveria po bën edhe një ligj.
