Policia e Shkodrës, pasi ka marrë informacione të sigurta në rrugë operative se dy shtetas kishin 2 thasë lëndë narkotikë të fshehur në shtëpi, është nisur për t`i arrestuar. Mirëpo brenda në banesë nuk është gjendur asgjë pasi bashkëshortja e shtetasit L.K. e kishte hedhur në lumë.
Ndërkohë policia ka shpallur në kerkim shtetasit: L.K. 44 vjeç, dhe nipin e tij A.P. 30 vjeç, banues në Pukë.
Sipas policisë nga vëzhgimi i vendit të ngjarjes në lumin e fshatit Kryezi u gjet një sasi prej 190 gr lëndë e dyshuar narkotike cannabis sattiva e mbetur nga thasët, e cila u sekuestrua në cilësinë e provës materiale.
Mësohet se lënda narkotike e fshehur ishte gati për shitje.
Materialet proçeduriale iu referuan Prokurorisë së rrethit Gjyqësor Pukë për veprën penale “Prodhimi dhe shitja e narkotikëve” në bashkëpunim parashikuar nga neni 283¬25 të Kodit Penal.
