Policia kanadeze e Montrealit bëri të ditur të dhënat e para se si i vra Denis Daja, djali 15 vjeçar, i aktorit shqiptar Shkëlqim Daja, rezident prej vitesh në këtë vend. Sipas policisë, djaloshi u qëllua me thikë për vdekje të premten në ishullin Nuns, në lagjen Verdun të Montrealit. Ngjarja ndodhi rreth orës 10.50. Sherri mes disa personave ndodhi në bulevardin “Ile-des-Soeurs”. I riu u qëllua me thikë në pjesët e sipërme të trupit, më shumë se një herë. Ai ndërroi jetë në spital për shkak të plagëve. Viktima nuk ishte i njohur për policinë dhe nuk kishte precedentë të mëparshëm. Policia ka arrestuar një 16 vjeçar si të dyshuar për ngjarjen.
