Kryeministri serb Aleksandër Vuçiç, ka deklaruar se nuk di asgjë për municionin e gjetur pranë shtëpisë së familjes së tij në Jajinci.
Vuçiç në një konferencë për media ka thënë se po pret për rezultatet e Policisë për të kuptuar se cilat janë motivet, shkruan Tanjug.
Vuçiç beson se kjo ka qenë vetëm një koincidencë dhe se nuk ka të bëj asgjë me të.
“Jam ende në mjegull dhe po pres rezultatet e hetimeve”, ka deklaruar Vuçiç.
“Nuk ka ndonjë evidencë se dikush tentoi të më vrasë”.
Aleksandar Vuçiç së bashku me familjen e tij është zhvendosur mbrëmë në një vend të sigurt, pasi në afërsi të shtëpisë së babait të tij, në lagjen Jajinci janë gjetur kuti me municione.
