Unioni i Gjyqtarëve ka reaguar pas publikimit të skandalit të gjyqtarit Guximtar Boçi, i cili i kërkoi favore seksuale një gruaje, në këmbim të vendosjes së drejtësisë për çështjen e saj në gjykatë.
Unioni i Gjyqtarëve thekson se distancohet nga këto veprime të turpshme.
“Unioni distancohet nga këto veprime të turpshme dhe nxit organet kompetente Prokurori dhe KLD të veprojnë për të zbardhur sa më shpejt ngjarjen dhe për të marre masat përkatëse. Garantojmë publikun se shumica dërmuese e gjyqtarëve nuk kanë asnjë lidhje me këto fenomene shumë të rrezikshme, të cilat janë në kundërshtim flagrant me normat e etikes se gjyqtarit dhe moralit shoqëror. Falënderojmë median për identifikimin e këtij rasti, i cili do të shërbej për të përcaktuar qartë fajtorët dhe shmang përbaltjen përgjithësuese të trupës së gjyqtarëve.”- thuhet në reagimin e Unionit të Gjyqtarëve.
