Ministria e Arsimit ka shtyrë afatin për fazën e tretë të regjistrimeve të maturantëve që duan të ndjekin studimet universitare.
Afati, që sipas rregullit përfundoi sot pasdite në orën 19:00, u shty deri më datë 1 nëntor pasi disa fakultete nuk kanë caktuar afat për regjistrimin e maturantëve që nuk kanë fituar asnjë degë deri tani.
Mësohet se regjistrimi do të bëhet në 3 faza: faza e parë në 27-28 tetor; faza e dytë në 29-30 tetor; faza e tretë në 31 tetor-1 nëntor.
Ndërkohë mësohet se në Universitetin e Mjekësisë kanë mbetur 93 vende bosh.
Infermieri 7 kota të lira; Logopedi 13; Imazheri 19 kuota të lira; Fizioterapia 17 kuota të lira; Teknik Laborant 17 kuota të lira; Mami kanë mbetur 7 kuota të lira; Farmaci 14 kuota lira, Stomatologji, 8 kuota të lira. Kjo shtyrje bëhet me qëllim që të plotësohen kuotat e mbetura ende në universitet.
