Kryeministri Edi Rama kishte premtuar se politika do rrinte larg shkollës dhe fëmijëve nëse ai vinte në pushtet.
Por në një sërë takimesh të fundit nëpër Shqipëri ai ka përdorur gjimnaziste dhe nxënës shkolle. Rasti më i fundit është ky sot ku Liceu Artisik nuk e nisi mësimin si zakonisht por me propagandë. Nxënësve të Liceut u është dashur të dëgjojn propagandën kryeministrore për arritjet në bujqësi dhe luftën ndaj kanabisit në vend që të zhvillonin orët mësimore sipas programit.
Oborri i shkollës ishte përshtatur më herët për aktivitetin. Para podiumit ishin vendosur disa dhjetëra karrige. Në radhë të parë ishin ulur Lindita Nikolla dhe Erjon Veliaj, që dëgjonin me adhurim fjalimin e kreut të qeverisë. Pas tyre mësuesit kokëulur. Ndërsa në këmbë, disa qindra nxënës të përzgjedhur si figurantë apo sfond për aktivitetin. Rama foli për arritjet e qeverisë në oborrin e shkollës, duke përmendur rritjen e pagave, e cila është duartrokitur. Jo gjithçka shkoi sipas parashikimeve të kryeministrit. Sapo Rama nisi fjalën, një nga nxënësit ngrito dy gishtat lart dhe sigurisht që kreu i qeverisë nuk i rezistoi provokimit.
