Një tjetër lëkundje e fortë sizmike u regjistrua në Italinë qendrore. Mbrëmjen e djeshme në orën 23.42 u shënua një tërmet me magnitudë 4.6 ballë të shkallës Rihter. Ky ishte tërmeti i tretë më i fortë ndër afro 35 tërmete që kanë ndodhur gjatë të mërkurës, ku më i forti ishte në 21.18 me 6.1 ballë sipas EMSC dhe 5.5 ballë në orën 19.10.
Në orën 23.24 u shënua një tërmet me magnitudë 4.1 ballë të shkallës Rihter.
Rreth orës 21.18 të mbrëmjes së djeshme, u regjistrua një tjetër tërmet në zonat e Peruxhias dhe në Macerata.
Kjo ishte lëkundja më e fortë sizmike e ditës së djeshme me një total deri tani prej 33 tërmetesh nga 2.1 deri në 3.9 ballë të shkallës Rihter, sikurse evidentohet te të dhënat e shërbimit evropian sizmologjik EMSC.
Një tërmet tjetër i fortë ishte ai me magnitudë 5.5 ballë i cili goditi më parë në mbrëmjen rreth orës 19.10 Italinë Qendrore.
Epiqendra e tërmetit u lokalizua në provincën e Macerata-s, Visso, ku në disa nga zonat e prekura nga tërmeti gjatë mbrëmjes së djeshme është ndërprerë edhe energjia elektrike.
Tërmeti që ka prekur zonat e Marches, Abruzzos dhe Lazios, ka shkaktuar frikë dhe pasiguri te banorët të cilët shumë prej tyre kanë dalë në rrugë.
Nga tërmeti i fortë raportohet për dy të lënduar në Visso, ndërsa ka patur edhe dëme materiale.
Lëkundjet në Itali janë ripërsëritur vetëm 2 muaj pas atij në Amatriçe dhe zona të tjera në qendër të vendit, që la afro 300 njerëz të vdekur.
VIDEO:
