Një organizatë kriminale që vepronte në fushën e trafikut të heroinës është shkatërruar gjatë një aksioni të policisë greke. Operacioni i zhvilluar mes Athinës dhe Selanikut çoi në pranga 11 persona, mes tyre 1 shqiptar dhe u sekuestruan 16 kg herionë.
Organizata drejtohej nga një 39-vjeçar grek që kishte rolin e menaxhuesit, së bashku me një 45-vjeçare greke. Hetimet për këtë organizatë kriminale zhvilloheshin prej 8 muajsh, kur në Selanik u sekuestrua një sasi e konsiderueshme heroine.
Policia konfiskoi edhe armë dhe municione të shumta si mitraloz, 10 granata, automatik, katër pistoleta dhe një revolver si dhe 342 fishekë.
Hetimet janë duke vazhduar për të zbardhur tërësisht veprimtarinë kriminale të kësaj bande dhe për të zbuluar nëse janë të implikuar me qarqe të tjera kriminale.
