Pas tetë muajsh hetime, Prokuroria e Tiranës ka vendosur të ngrejë akuzë për “Përndjekje” ndaj shtetases Vjola Sala. Sala akuzohet për kërcënime, shantazhe dhe fyerje të vazhdueshme ndaj moderatores Rudina Magjistari.
Historia nisi rreth dy vjet më parë, kur e paditura kërcënonte vazhdimisht moderatoren përmes profilit të saj dhe profileve të tjera false që hapte në “Facebook”.
Magjistari vendosi t’i japë fund kërcënimeve të Vjolës dhe ka ngritur kallëzim penal ndaj shtetases Sala në Policinë e Tiranës.
Pas hetimeve të kryera policia ka lokalizimi shtetasen Vjola Sala nga qyteti i Durrësit, e ditëlindjes 14.01.1979. Ajo, përveç moderatores, kishte kërcënuar edhe persona të tjerë, të cilët nuk kanë paraqitur kallëzim penal ndaj saj.
Sipas dëshmisë të së pandehurës, ajo është shprehur se nuk ka dashur t’i bëjë keq Rudina Magjistarit, por kërcënimet e rënda dhe pa motiv të zbuluara gjatë hetimeve, kanë hedhur poshtë pretendimet e saj.
