Deputeti Ben Blushi ka marrë fjalën sot në Kuvend, për të folur për decentralizimin e pushtetit vendor.
Sipas tij decentralizimi nuk po ndodh pavarësisht se ishte parashikuar të bëhej bashkë me reformën territoriale.
Ai ka kujtuar edhe kohën kur Mimi Kodheli ishte prefekte dhe Edi Rama kryebashkiak, duke thënë se të dy ziheshin për copa letrash.
“Bëmë reformë territoriale por jo decentralizim. Kush i emëron mësuesit? Ministria. Ministritë bëjnë politika, drejtoritë i zbatojnë, bëjnë tendera e emërime. I thashë ministrit që policët e trafikut t’ia linte bashkive. Policët kush i emëron? Ministria. Ky është thelbi i decentralizimit dhe dekoncentrimit. Prefekti nuk bën më asnjë punë dhe ndoshta është i panevojshëm. Kam eksperiencë personale. Sa më të mëdha bëhen bashkitë aq më shumë zhbëhet roli i prefektit. Bashkitë kanë tendencë të mos e pyesin prefektin. Më kujtohet një histori e Mimit dhe Edit, që ziheshin për copa letrash. Më duhet të qetësoja njëherë-njërin e njëherë tjetrin. Tani janë bashkë aty”, tha Blushi.
