Pas tërmetit të parë në orën 19 e 30 të ditës së sotme vetëm pak orë më vonë lëkundjet e tokës janë ndjerë edhe më të forta në Itali.
Lëkundje ka pasur në disa qytete, si në Romë, L’Aquila dhe Ascoli. Epiqendra e tërmetit ka qenë mes Peruxhias dhe Maceratas. Nga tërmeti raportohet për dy të plagosur.
Lëkundjet e para të tokës janë ndjerë shumë të forta rreth orës 19:30 në Macerata. Mësohet se tërmeti ka qenë me magnitudë 5.4 ballë e shkallës Righter.
Sakaq, tërmeti është pasuar edhe nga 9 lëkundje të tjera të shkallës 2.6 dhe 2.5 rihter. Nderkaq, është evakuar Ministria e Jashtme në Romë për shmangien e ndonjë rreziku të mundshëm. Por vetëm pak orë më vonë një tjetër tërmet u regjistrua në këtë zonë, me maghnitudë 5.9 ballë, lëkundje më e fortë pas atyre famëkeqe të 24 gushtit që i morën jetën 290 personave si dhe u plagosën qindra të tjerë. Lëkundjet janë regjistruar në orën 21:18.
