Gjatë vizitës së presidentit rus Vlladimir Putin në Ankara, më datë 10-të të këtij muaji është dakorduar bashkëpunim i inteligjencës mes Rusisë dhe Turqisë, njoftoi sot televizioni privat turk NTV.
Megjithatë, sipas gazetës ruse “Izvestija”, e cila u referohet burimeve ushtarake diplomatike ruse, Rusia do t’u dorëzojë autoriteteve turke informacione të inteligjencës, të cilat do të shfrytëzohen në operacionin “Mbrojtja e Eufratit” të cilën forcat turke e zbatojnë në Siri.
Gazeta e citon edhe zëvendëskryetarin e parë të Komisionit për mbrojtje dhe siguri pranë Këshillit të federatës, Franc Klinceviç, i cili deklaroi se edhe Turqia u bë pjesë nga grupi jozyrtar për bashkëpunim të inteligjencës, së bashku me Rusinë, Sirinë, Irakun dhe Iranin.
Klinceviç, me këtë rast e ka lavdëruar rrjetin e inteligjencës së Turqisë në Siri, shtron burimi.
