Edhe pse kanë kaluar 20 vjet kur e ka parë për herë të fundit, një 55-vjeçare nuk rresht së kërkuari bashkëshortin e saj. F. V., 55 vjeç nga Durrësi ka denoncuar sërish në polici zhdukjen e bashkëshortit të saj, M. V, 60 vjeç.
Sipas saj, i shoqi është larguar nga shtëpia në tetor të vitit 1996 në drejtim të Italisë, dhe që atëherë nuk është kthyer dhe nuk ka komunikuar më me të. Policia ka bërë menjëherë shpalljen në kërkim të 60-vjeçarit.
Njoftimi i policisë
Specialistët për Krimet në Komisariatin e Policisë Durrës po punojnë për gjetjen e shtetasit: M.V. 60 vjeç, banues në Durrës.
Më datë 24.10.2016 ka bërë kallzim bashkëshortja e tij, shtetësia F.V. 55 vjeçe pasi bashkëshorti i saj është larguar nga banesa në drejtim të Italisë që në muajin Tetor 1996 dhe nuk është kthyer.
Materialet i kaluan Prokurorisë së Rrethit Gjyqësor Durrës për veprime të mëtejshme
