Ben Blushi ka rrëfyer se Kryeministri Edi Rama dhe ministra e deputetë të tjerë të PS i janë lutur në korrik të këtij viti për të mbështetur qeverinë, në rast se Ilir Meta dhe opozita do kërkonin mocion mosbesimi.
“Më janë lutur t’i mbaja në pushtet në kushtet nëse Meta do rrëzonte pushtetin”, ka thënë Ben Blushi në emisionin “Studio e Hapur” në News24.
Ai shtoi gjithashtu se në rastin më të parë që do të ketë mocion mosbesimi ndaj Qeverisë, do të votojë pro për rrëzimin e Rilindjes.
“Unë kam dalë për ta mundur atë dhe të gjithë si ai”, theksoi deputeti Ben Blushi.
