Policia ka sekuestruar në Lezhë armë, drogë e municione në një magazinë që shërbente për tharje të bimëve narkotike.
Janë sekuestruar mbi 700 kg lëndë narkotike deri në këto momente, si edhe janë sekuestruar 1 kallashnikov, granatë dore e municion luftarak.
Rreth 250 forca policore po vijojnë kontrollet mbi bazën e informacioneve policore dhe operative që disponon Policia për evidentimin dhe goditjen e vendmagazinimeve të bimëve narkotike. Sipas Policisë, operacioni do të vijojë ende me kontrolle banesash, shoqërime personash e sekuestrim të lëndëve narkotike.
