Gjykata e Lartë dënoi sot me 35 vjet burg Admir Dervishin, ish-gardistin që vrau gruan nga xhelozia.
Dervishi u dënua me burgim të përjetshëm, por dënimi u reduktua në 35 vjet pas kërkesës për gjykim të shkurtuar.
Ai akuzohet se më 6 prill 2016, me armën e shërbimit qëlloi tri herë me pistoletë drejt bashkëshortes së tij, Ilda Dervishi.
Ish-gardisti u arrestua pak orë pas ngjarjes, ndërsa për motivet e ngjarjes ai u shpreh se shkak ishte bërë xhelozia dhe kushtet ekonomike me të cilat çifti përballeshin muajt e fundit.
Krimi ndodhi në sy të fëmijëve të çiftit në kohën kur ata po dilnin nga banesa. Sipas hetimeve, dyshohet se gardisti e ka bërë vrasjen me armën e tij të shërbimit duke qëlluar të shoqen me armë në kokë dhe duke i shkaktuar kështu vdekjen e menjëhershme në derën e shtëpisë ku jetonin, në zonën e Kombinatit.
