10 mushka të gjetura në fshatin Rakickë në Korcë kanë vënë në lëvizje Policinë e Korcës, pasi dyshohet se janë përdorur për trafik droge.
Sipas të dhënave zyrtare dyshohet për një linjë trafiku me mushka dhe materialet janë referuar në Prokurori, ndërsa po punohet për identifikimin dhe kapjen e autorëve.
Por burime nga policia i thonë Syri.net se ka dyshime që këto kafshë të jenë përdorur për trafik të lëndëve narkotike nga Shqipëria drejt Greqisë, një metodë kjo e përdorur disa herë në kufirin greko-shqiptar nga trafikantët.
Dyshimin për përdorimin e këtyre kafshëve për drogë e shton edhe fakti se sasi të mëdha kanabisi janë kapur gjatë javës së fundit nga autoritetet greke dhe janë arrestuar disa shqiptarë.
